Shiv Kumar Batalvi evening will be held on the land of Chamkaur Sahib- MLA Dr. Charanjit Singh
ਸ੍ਰੀ ਚਮਕੌਰ ਸਾਹਿਬ, 30 ਅਪ੍ਰੈਲ ਸਥਾਨਕ ਰੂਹਾਨੀਅਤ ਸਥਲ ਦਾਸਤਾਨ ਏ ਸ਼ਹਾਦਤ ਵਿਖੇ 6 ਮਈ ਨੂੰ ਸ਼ਾਮ 6 ਵਜੇ ਤੋਂ ਬਾਅਦ ਪੰਜਾਬੀ ਮਾਂ ਬੋਲੀ ਦੀ ਜਾਨ ਸ਼ਿਵ ਕੁਮਾਰ ਬਟਾਲਵੀ ਦੇ ਨਾਮ ਇੱਕ ਸ਼ਾਮ ਸਮਾਗਮ ਕਰਵਾਇਆ ਜਾਵੇਗਾ। ਹਲਕਾ ਵਿਧਾਇਕ ਡਾ.ਚਰਨਜੀਤ ਸਿੰਘ ਨੇ ਆਪਣੇ ਅੰਤਰੀਵ ਵਿੱਚ ਪਏ ਸ਼ਿਵ ਕੁਮਾਰ ਬਟਾਲਵੀ ਮੋਹ ਨੂੰ ਉਜਾਗਰ ਕੀਤਾ ਹੈ।ਉਨ੍ਹਾਂ ਨੂੰ ਮਰਹੂਮ ਕਵੀ ਸ਼ਿਵ ਕੁਮਾਰ ਬਟਾਲਵੀ ਦੀਆਂ ਲਿਖਤਾਂ ਉਮਦਾ ਦਰਜੇ ਦੀਆਂ ਲੱਗਦੀਆਂ ਹਨ।ਵਿਧਾਇਕ ਸਾਬ ਆਪਣੇ ਹੁਦਰੋਂ ਪੰਜਾਬੀ ਮਾਂ ਬੋਲੀ ਦੀ ਪ੍ਰਫੁੱਲਤਾ ਚਾਹੁੰਦੇ ਹਨ।ਪ੍ਰੋਗ੍ਰਾਮ ਨੋਡਲ ਅਫਸਰ ਤੇਜਿੰਦਰ ਸਿੰਘ ਬਾਜ਼ ਨੇ ਵਿਸਥਾਰ ਨਾਲ਼ ਦੱਸਿਆ ਕਿ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਜਨਾਬ ਜਤਿੰਦਰ ਪੰਨੂੰ, ਡਾ.ਦੀਪਕ ਮਨਮੋਹਣ ਸਿੰਘ, ਡਾ.ਸ਼ਤੀਸ ਕੁਮਾਰ ਵਰਮਾ, ਡਾ. ਸਰਬਜੀਤ ਸਿੰਘ, ਡਾ.ਅਜੇ ਸ਼ਰਮਾ, ਡਾ ਨਿਰਮਲ ਧੀਮਾਨ ਪੰਜਾਬੀ ਫਿਲਮਾਂ ਦਾ ਨਾਮਵਰ ਹਸਤਾਖਰ ਬਨਿੰਦਰ ਬੰਨੀ, ਸੋਨਪ੍ਰੀਤ ਜਵੰਧਾ ਆਦਿ ਪ੍ਰਮੁੱਖ ਸ਼ਖ਼ਸੀਅਤਾਂ ਪਹੁੰਚ ਰਹੀਆਂ ਹਨ।
ਗ਼ਜ਼ਲ ਗਾਇਨ ਲਈ ਪ੍ਰਸਿੱਧ ਗ਼ਜ਼ਲ ਗਾਇਕ ਸ੍ਰੀ ਸੁਨੀਲ ਸਿੰਘ ਡੋਗਰਾ, ਸੁਖਜਿੰਦਰ ਸੁੱਖੀ ਪਹੁੰਚ ਰਹੇ ਹਨ।
