Regarding Comprehensive Computer Education & Computer Lab Assessment Framework

Click here to Downlaod file

ਪੰਜਾਬ ਦੇ ਸਰਕਾਰੀ ਸਕੂਲਾਂ ਵਿੱਚ ਕੰਪਿਊਟਰ ਸਾਇੰਸ ਸਿੱਖਿਆ ਨੂੰ ਮਜ਼ਬੂਤ, ਇਕਸਾਰ ਅਤੇ ਗੁਣਵੱਤਾ ਭਰਪੂਰ ਬਣਾਉਣ ਦੀ ਦਿਸ਼ਾ ਵਿੱਚ ਇੱਕ ਵੱਡਾ ਕਦਮ ਚੁੱਕਦਿਆਂ ਰਾਜ ਵਿਦਿਅਕ ਖੋਜ ਅਤੇ ਸਿਖਲਾਈ ਪ੍ਰੀਸ਼ਦ (SCERT), ਪੰਜਾਬ ਨੇ ਸੈਸ਼ਨ 2026-27 ਲਈ “Comprehensive Computer Education & Lab Assessment Framework” ਤਿਆਰ ਕੀਤਾ ਹੈ ਅਤੇ ਲਾਗੂ ਕਰਨ ਦੀ ਹਦਾਇਤ ਜਾਰੀ ਕੀਤੀ ਹੈ।
ਇਹ 174 ਪੰਨਿਆਂ ਵਾਲਾ ਵਿਸਥਾਰ ਨਾਲ ਤਿਆਰ ਕੀਤਾ ਗਿਆ ਫਰੇਮਵਰਕ ਮਿਡਲ, ਹਾਈ ਅਤੇ ਸੀਨੀਅਰ ਸੈਕੰਡਰੀ ਸਰਕਾਰੀ ਸਕੂਲਾਂ ਵਿੱਚ ਕੰਪਿਊਟਰ ਸਿੱਖਿਆ ਦੇ ਅਧਿਆਪਨ, ਪ੍ਰੈਕਟੀਕਲ ਲੈਬ ਗਤੀਵਿਧੀਆਂ, ਮੁਲਾਂਕਣ ਪ੍ਰਣਾਲੀ ਅਤੇ ਲੈਬ ਪ੍ਰਬੰਧਨ ਵਿੱਚ ਇਕਸਾਰਤਾ, ਪ੍ਰਭਾਵਸ਼ੀਲਤਾ ਅਤੇ ਨਤੀਜਾ-ਕੇਂਦਰਿਤ ਪਹੁੰਚ ਲਿਆਉਣ ਲਈ ਤਿਆਰ ਕੀਤਾ ਗਿਆ ਹੈ।

ਫਰੇਮਵਰਕ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ:

ਕਲਾਸ ਛੇਵੀਂ ਤੋਂ ਬਾਰਹਵੀਂ ਤੱਕ ਲਈ ਬਾਈ-ਮੰਥਲੀ ਸਿਲੇਬਸ ਵੰਡ ਅਤੇ ਯੂਨਿਟ ਅਨੁਸਾਰ ਵਿਸਥਾਰ ਨਾਲ ਯੋਜਨਾ।
ਹਰ ਕਲਾਸ ਲਈ ਪ੍ਰੈਕਟੀਕਲ ਲੈਬ ਮੈਨੂਅਲ ਅਤੇ ਹੈਂਡਜ਼-ਆਨ ਗਤੀਵਿਧੀਆਂ (Learn • Practice • Innovate • Stay Safe)।
ਮੁਲਾਂਕਣ ਲਈ ਸਟੈਂਡਰਡ ਰੂਬਰਿਕਸ, ਮਾਨੀਟਰਿੰਗ ਟੂਲਜ਼, ਮਹੀਨਾਵਾਰ ਪ੍ਰੈਕਟੀਕਲ ਰਿਪੋਰਟ ਫਾਰਮੈਟ ਅਤੇ ਲਗਾਤਾਰ ਮੁਲਾਂਕਣ ਪ੍ਰਣਾਲੀ।
ਕੰਪਿਊਟਰ ਲੈਬ ਦੇ Do’s & Don’ts, ਸੁਰੱਖਿਆ ਨਿਯਮ, ਅਨੁਸ਼ਾਸਨ, ਬੇਸਿਕ ਟ੍ਰਬਲਸ਼ੂਟਿੰਗ ਅਤੇ ਮੇਂਟੇਨੈਂਸ ਲਈ ਪੂਰੀਆਂ ਹਦਾਇਤਾਂ।
ਕੰਪਿਊਟਰ ਅਧਿਆਪਕਾਂ ਲਈ 30 ਤੋਂ ਵੱਧ ਜ਼ਿੰਮੇਵਾਰੀਆਂ — ਵਿਦਿਆਰਥੀਆਂ (ਸਲੋ ਲਰਨਰਜ਼ ਸਮੇਤ) ਨੂੰ ਮਾਰਗਦਰਸ਼ਨ, ਲੈਬ ਦੀ ਸੰਭਾਲ ਅਤੇ ਪੇਸ਼ੇਵਰ ਵਿਕਾਸ ਲਈ।
ਭਵਿੱਖ-ਕੇਂਦਰਿਤ ਵਿਸ਼ਿਆਂ ਵਿੱਚ Python Programming, HTML, MS Office Tools, Networking, Database Management, Cyber Security, Artificial Intelligence ਅਤੇ E-Governance ਆਦਿ ਸ਼ਾਮਲ।
ਇਸ ਫਰੇਮਵਰਕ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਵਿੱਚ ਰਟ ਲਗਾਉਣ ਵਾਲੀ ਸਿੱਖਿਆ ਦੀ ਬਜਾਏ ਅਨੁਭਵੀ, ਹੁਨਰ-ਅਧਾਰਿਤ ਅਤੇ ਨਵੀਨਤਮ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨਾ ਹੈ, ਤਾਂ ਜੋ ਉਨ੍ਹਾਂ ਵਿੱਚ ਕੰਪਿਊਟੇਸ਼ਨਲ ਥਿੰਕਿੰਗ, ਸਮੱਸਿਆ ਹੱਲ ਕਰਨ ਦੀ ਯੋਗਤਾ, ਰਚਨਾਤਮਕਤਾ ਅਤੇ ਡਿਜੀਟਲ ਸਾਖਰਤਾ ਵਿਕਸਿਤ ਹੋ ਸਕੇ।
ਕੰਪਿਊਟਰ ਅਧਿਆਪਕਾਂ ਨੂੰ ਇਸ ਫਰੇਮਵਰਕ ਦਾ ਡੂੰਘਾਈ ਨਾਲ ਅਧਿਐਨ ਕਰਕੇ ਆਪਣੇ ਸਕੂਲਾਂ ਵਿੱਚ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਦੀ ਹਦਾਇਤ ਕੀਤੀ ਗਈ ਹੈ।
ਪੂਰਾ ਫਰੇਮਵਰਕ ਡਾਕੂਮੈਂਟ (ਸਿਲੇਬਸ ਚਾਰਟ, ਰੂਬਰਿਕਸ, ਲੈਬ ਮੈਨੂਅਲ ਅਤੇ ਅਨੈਕਸ਼ਰ ਸਮੇਤ) ਇਸ ਨਾਲ ਅਟੈਚ ਹੈ।