District Review Meeting held successfully at DIET, Ropar
ਰੋਪੜ, 5 ਅਗਸਤ (ਦਿਸ਼ਾਂਤ ਮਹਿਤਾ): DIET ਰੋਪੜ ਵਿਖੇ DEO ਅੱਪਰ ਪ੍ਰਾਇਮਰੀ ਸ਼੍ਰੀ ਪ੍ਰੇਮ ਕੁਮਾਰ ਮਿੱਤਲ, DEO ਪ੍ਰਾਇਮਰੀ ਸ਼੍ਰੀ ਸ਼ਮਸ਼ੇਰ ਸਿੰਘ ਅਤੇ DIET ਪ੍ਰਿੰਸੀਪਲ ਸ਼੍ਰੀਮਤੀ ਮੋਨਿਕਾ ਭੂਟਾਨੀ ਦੀ ਅਗਵਾਈ ਹੇਠ ਇਕ ਜ਼ਿਲ੍ਹਾ ਸਮੀਖਿਆ ਮੀਟਿੰਗ ਆਯੋਜਿਤ ਕੀਤੀ ਗਈ।
ਇਸ ਮੀਟਿੰਗ ਵਿੱਚ ਜ਼ਿਲ੍ਹਾ ਪੱਧਰ ਦੇ DRCs, BRCs, ਅਤੇ ਵੱਖ-ਵੱਖ ਸਹਿਯੋਗੀ NGOs ਜਿਵੇਂ ਸਿੰਪਲ ਐਜੂਕੇਸ਼ਨ ਫਾਊਂਡੇਸ਼ਨ, ਸਾਂਝੀ ਸਿੱਖਿਆ, ਪ੍ਰਥਮ ਅਤੇ ਰਾਕੇਟ ਲਰਨਿੰਗ ਦੇ ਪ੍ਰਤੀਨਿਧੀਆਂ ਨੇ ਭਾਗ ਲਿਆ।
DRC ਵਿਪਿਨ ਕਟਾਰੀਆ ਵੱਲੋਂ ਪ੍ਰਸਤੁਤ ਕੀਤੇ ਏਜੰਡੇ ਤਹਿਤ BRCs ਵੱਲੋਂ ਕੀਤੇ ਜਾ ਰਹੇ ਕਲਾਸਰੂਮ ਦੌਰਿਆਂ ਦੀ ਸਮੀਖਿਆ ਅਤੇ ਯੋਜਨਾਬੱਧ ਢਾਂਚੇ ਦੀ ਸਾਂਝ ਪਾਈ ਗਈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ “ਯੁੱਧ ਨਸ਼ਿਆ ਵਿਰੁੱਧ”, ਅੰਗਰੇਜ਼ੀ ਸਰਕਲ, ਮਿਸ਼ਨ ਸਮਰੱਥ, ਅਤੇ CEP ਅਧੀਨ ਆਉਣ ਵਾਲੇ ਸਮੇਂ ਵਿੱਚ ਹੋਣ ਵਾਲੀ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ।
DIET ਪ੍ਰਿੰਸੀਪਲ ਮੋਨਿਕਾ ਭੂਟਾਨੀ ਵੱਲੋਂ ਸਰਕਾਰੀ ਵਿਭਾਗ ਅਤੇ NGOs ਵਿਚਕਾਰ ਸਹਿਯੋਗ ਤੇ ਤਾਲਮੇਲ ਵਧਾਉਣ ਦੀ ਵਕਾਲਤ ਕਰਦਿਆਂ ਇਕ ਸਾਂਝੀ ਦ੍ਰਿਸ਼ਟੀਕੋਣ ਅਪਣਾਉਣ ਦੀ ਲੋੜ ‘ਤੇ ਜ਼ੋਰ ਦਿੱਤਾ ਗਿਆ।
ਜ਼ਿਲ੍ਹਾ ਸਿੱਖਿਆ ਅਫਸਰ ਸ਼੍ਰੀ ਪ੍ਰੇਮ ਕੁਮਾਰ ਮਿੱਤਲ ਨੇ ਮਿਸ਼ਨ ਸਮਰੱਥ ਦੇ ਤਹਿਤ ਜੁਲਾਈ ਅੰਤ ਦੇ ਟੈਸਟਿੰਗ ਪ੍ਰਕਿਰਿਆ ਸੰਬੰਧੀ ਮਾਰਗਦਰਸ਼ਨ ਦਿੱਤਾ ਅਤੇ ਲੈਵਲ 1 ਤੇ ਲੈਵਲ 2 ਦੇ ਸਿੱਖਣ ਪੱਧਰ ਨੂੰ ਮਜਬੂਤ ਕਰਨ ਦੇ ਤਰੀਕਿਆਂ ਬਾਰੇ ਸੂਝਵਾਨ ਵਿਚਾਰ ਸਾਂਝੇ ਕੀਤੇ।
