22 ਦਸੰਬਰ ਉੱਤਰੀ ਅਰਧ ਗੋਲੇ ਦੀ ਸਭ ਤੋਂ ਵੱਡੀ ਰਾਤ

ਦੱਖਣੀ ਅਰਧ ਗੋਲੇ ਦਾ ਸਭ ਤੋਂ ਵੱਡਾ ਦਿਨ

ਅਸੀਂ ਅਕਸਰ ਦੇਖਿਆ ਹੈ ਕਿ ਸੂਰਜ ਦਾ ਚੜਨਾ ਤੇ ਛਿਪਣਾ ਕਦੇ ਵੀ ਇੱਕਸਾਰ ਨਹੀਂ ਅਤੇ ਸਾਲ ਵਿੱਚ ਅਜਿਹਾ ਦੋ ਵਾਰ ਮੌਕਾ ਹੁੰਦਾ ਹੈ ਜਦੋਂ ਦਿਨ ਰਾਤ ਇਕਸਾਰ ਹੁੰਦੇ ਹਨ। ਸਾਲ ਵਿੱਚ ਇੱਕ ਸਮਾਂ ਅਜਿਹਾ ਹੁੰਦਾ ਹੈ ਜਦੋਂ ਸਭ ਤੋਂ ਵੱਡਾ ਦਿਨ ਅਤੇ ਸਭ ਤੋਂ ਵੱਡੀ ਰਾਤ ਹੁੰਦੀ ਹੈ। ਅਜਿਹਾ ਕਿਉਂ,ਆਉ ਜਾਣੀਏ।

1. ਸਾਡੀ ਧਰਤੀ ਆਪਣੀਂ ਧੁਰੀ ਤੇ 23½° ਦੇ ਕੋਣ ਤੇ ਝੁਕੀ ਹੋਈ ਹੈ।

2. ਧਰਤੀ ਆਪਣੀਂ ਵਾਰਸ਼ਿਕ ਗਤੀ ਦੌਰਾਨ ਸੂਰਜ ਦੁਆਲੇ ਚੱਕਰ ਲਗਾਉਂਦੇ ਸਮੇਂ ਵੱਖ-ਵੱਖ ਸਥਿਤੀ ਵਿੱਚ ਆਉਂਦੀ ਹੈ।

   3.ਧਰਤੀ ਦੇ ਝੁਕਾਅ ਅਤੇ ਆਪਣੇ ਪਥ ਤੇ ਵੱਖ-ਵੱਖ ਸਥਿਤੀਆਂ ਅਨੁਸਾਰ ਹੀ ਦਿਨ ਅਤੇ ਰਾਤ ਦੀ ਲੰਬਾਈ ਨਿਰਧਾਰਿਤ ਹੁੰਦੀ ਹੈ।

4. ਦੱਖਣੀ ਅਰਧ ਗੋਲੇ ਦਾ ਝੁਕਾਅ ਸੂਰਜ ਵੱਲ ਨੂੰ ਹੋਣ ਕਾਰਨ 22 ਦਸੰਬਰ ਨੂੰ ਸੂਰਜ ਦੀਆਂ ਕਿਰਨਾਂ ਦੱਖਣੀ ਅਰਧ ਗੋਲੇ ਵਿੱਚ ਸਥਿੱਤ

ਮਕਰ ਰੇਖਾ ਤੇ ਸਿੱਧੀਆਂ ਪੈਣ ਕਾਰਨ ਦਿਨ ਦੀ ਲੰਬਾਈ ਜ਼ਿਆਦਾ ਅਤੇ ਰਾਤ ਛੋਟੀ ਹੁੰਦੀ ਹੈ।

5. ਇਸਦੇ ਉਲਟ ਉੱਤਰੀ ਅਰਧ ਗੋਲੇ ਵਿੱਚ ਦਿਨ ਦੀ ਲੰਬਾਈ ਛੋਟੀ ਅਤੇ ਰਾਤ ਵੱਡੀ ਹੁੰਦੀ ਹੈ ਕਿਉਂ ਕਿ ਉੱਤਰੀ ਅਰਧ ਗੋਲੇ ਦਾ ਝੁਕਾਅ ਸੂਰਜ ਤੋਂ ਪਰੇਂ ਨੂੰ ਹੁੰਦਾ ਹੈ।

   6. ਇਸ ਦੇ ਝੁਕਾਅ ਦੇ ਕਾਰਨ ਹੀ ਜਿਹੜਾ ਭਾਗ ਸੂਰਜ ਵੱਲ ਨੂੰ ਝੁਕਿਆ ਹੋਇਆ ਹੋਵੇ ਉਸ ਧਰੁਵੀ ਖੇਤਰਾਂ ਵਿੱਚ ਛੇ ਮਹੀਨੇ ਦੇ ਦਿਨ ਅਤੇ ਸੂਰਜ ਤੋਂ ਦੂਰ ਵਾਲੇ ਧਰੁਵੀ ਖੇਤਰ ਵਿੱਚ ਛੇ ਮਹੀਨੇ ਦੀ ਰਾਤ ਹੁੰਦੀ ਹੈ।

ਗੁਰਸੇਵਕ ਸਿੰਘ 

ਸਮਾਜਿਕ ਵਿਗਿਆਨ ਅਧਿਆਪਕ 

ਸਕੂਲ ਆਫ਼ ਐਮੀਨੈਂਸ, ਕੀਰਤਪੁਰ ਸਾਹਿਬ (ਰੂਪਨਗਰ)